واحد من عين وسارة ركب
واحد من عين وسارة ركب في طاكسي و قالو : بقداش تديني كورسة للبليدة
طاكسيور قالو : 400 ألف
قالو: أوكي أيا مالا نروحو
و في الطريق كان داير كارطونة في حجرو و مبعد جبد التليفون و لعبها يهدر مع مرتو قالها راني جاي و جايب معايا 200 مليون و الذهب في كارطونة و الطاكسيور كان يسمع فيه.
المهم كي وصلو عند للسوبيرات في البليدة قالو معليش تحطني نشري قرعة ماء و نجي؟
الطاكسيور حبس و السيد خلى الكرطونة فالطاكسي و دخل يشري قرعة ماء و كي خرج من السوبيرات مالقاش الطاكسي يعني طاكسيور هربلو بالكرطونة
السيد عاود دخل للحانوت قالو كشما عندك كرطونة فارغة ؟ قالو : علاه؟
قالو : عندي غدوة طريق لدزاير